Bibliografía

Fontes

O tempo, constante no seu devir, enténdese, vive e percibe de maneira diferente en función dos individuos. Iso, aplicado á Idade Media, permite observar os modos cambiantes dunha mentalidade colectiva que xera formas culturais. Esta monografía transita polas ideas e nocións que, do tempo, tiñan os individuos no seu camiño cara a Santiago e polas formas que tales ideas implican. Desde a perspectiva das fontes documentais, os edificios, os obxectos e ritos –e todo iso desde a morfoloxía da cidade e os seus roteiros–, arguméntanse os cambios producidos en torno ao século XII, que definen usos diversos na percepción do tempo. Constante, cambiante, pausado ou apurado, nunha mirada cara a Compostela desde a Europa medieval.